Yuxarı
    Bağlamaq

    Baş katibin müavini: "NATO Gürcüstanın avrointeqrasiya prosesini dəstəkləyir"

    Aleksandr Verşbou: Biz islahatların keçirilməsinin vacibliyini vurğuladıq

    Bakı. 29 yanvar. REPORT.AZ/ "NATO Gürcüstanın Avropaya və Avroatlantik məkana inteqrasiyasını dəctəklədiyini bir daha təsdiqləyir".

    "Report" "newsgeorgia"ya istinadən xəbər verir ki, bunu Tiflisdə NATO baş katibinin müavini Aleksandr Verşbou deyib.

    Xatırladaq ki, o, yanvarın 28-də Gürcüstana ikigünlük səfər edib. Gürcüstan-NATO paketinin icra vəziyyətinin monitorinqi çərçivəsində A.Verşbou Gürcüstan parlamentinin sədri David Usupaşvili, Avropa və Avroatlantik strukturlarına inteqrasiya məsələləri üzrə dövlət naziri David Bakradze ilə görüşüb.

    "Gürcüstan NATO-nun Sülhməramlı Qüvvələrinin məhsuldar, yaxşı tərəfkeşilərindəndir. Biz islahatların keçirilməsinin vacibliyini vurğuladıq", -A.Verşbou deyib.

    NATO baş katibinin müavini Gürcüstan prezidenti Georgo Merqvelaşvili, baş nazir İrakli Qaribaşvili ilə də görüşüb.

    Tədbirlər paketi 2014-cü il sentyabrın 4-5-də NATO-nun Uelsdə keçirilən sammitində qəbul olunub.

    Həmin sənəd çərçivəsində Gürcüstanda alyans və NATO-nun tərəfkeş-dövlətləri hərbçilərinin təlim keçməsi üçün mərkəzin açılması nəzərdə tutulub.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi