Yuxarı
    Bağlamaq

    Mövlud Uysal İstanbul Böyükşəhər Bələdiyyəsinin yeni sədri seçilib - FOTO

    O, əsas müxalifət partiyasından olan rəqibinə qalib gəlib© Milliyet.com.tr

    Bakı. 28 sentyabr. REPORT.AZ/ İstanbul Böyükşəhər Bələdiyyəsinə yeni sədr seçilib. 

    "Report" Türkiyə KİV-inə istinadən xəbər verir ki, hakim Ədalət və İnkişaf Partiyasının (AKP) namizədi Mövlud Uysal üç turdan sonra üzvlərin lazımi səsini almağı bacarıb. 

    O, üçüncü turda 179 səs alaraq Türkiyənin əsas müxalifət - Cümhuriyyət Xalq Partiyasından (CHP) olan rəqibi, Bəylikdüzü bələdiyyəsinin sədri Əkrəm İmamoğluna qalib gəlib. Namizədlərə bu turda 156 səs almaq kifayət edirdi. 

    M.Uysal bu vəzifəyə seçilənədək 2009-cu ildən bəri Başakşəhər bələdiyyəsinin sədri vəzifəsində çalışıb. 

    Qeyd edək ki, Kadir Topbaş bu günlərdə İstanbul Böyükşəhər Bələdiyyəsi sədrliyindən istefa verib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi