Bakı. 10 avqust. REPORT.AZ/ "Suriya məsələsinin həllində Rusiya ilə aramızda fərqli mexanizmlər var idi. İndi üçtərəfli formatda siyasi əlaqə qururuq".
"Report" xəbər verir ki, bunu Türkiyənin xarici işlər naziri Mövlud Çavuşoğlu "Anadolu" agentliyinə müsahibəsində deyib.
Onun sözlərinə görə, avqustun 10-da axşam saatlarında Türkiyənin Xarici İşlər Nazirliyi, Milli Kəşfiyyat Təşkilatı (MİT) və Silahlı Qüvvələrin Baş Qərargahının təmsilçiləri Sankt-Peterburqa səfər edəcək.