Yuxarı
    Bağlamaq

    Mövlud Çavuşoğlu: "NATO üzvlüyünə namizəd ölkələr tələblərə cavab vermək üçün daha çox səy göstərməlidir"

    Türkiyə Əfqanıstana dəstək verməyə davam edəcək

    Bakı. 21 aprel. REPORT.AZ/ Türkiyə Monteneqronun NATO üzvlüyünə qəbul edilməsini dəstəkləyir.

    "Report" xəbər verir ki, bu barədə Türkiyədə rəsmi səfərdə olan NATO baş katibi Yens Stoltenberqlə birgə mətbuat konfransında çıxış edən Türkiyənin xarici işlər naziri Mövlud Çavuşoğlu bildirib.

    O, NATO üzvlüyünə digər namizəd ölkələrin - Bosniya və Herseqovina, Makedoniya və Gürcüstanın tələblərə cavab vermək üçün daha çox səy göstərməli olduğunu qeyd edib.

    M.Çavuşoğlu, həmçinin Əfqanıstanda sülhü təmin etmək üçün Türkiyənin səylərini önə çəkib. O əlavə edib ki, Türkiyə Əfqanıstana dəstəyini davam etdirəcək.

    Öz növbəsində, NATO baş katibi Yens Stoltenberq Türkiyənin Şimali Afrika, Yaxın Şərq və Rusiyadan qaynaqlanan təhdidlərin qarşısında olduğunu bildirib. O, Türkiyənin NATO təşəbbüslərinə dəstəklə bağlı səylərini alqışlayıb.

    Miqrasiya böhranı barədə danışan baş katib Türkiyənin miqrantlar məsələylə bağlı Aİ ilə sazişin şərtlərini həyata keçirilməsini müsbət qarşıladığını vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi