Yuxarı

Mövlud Çavuşoğlu: "Aİ-nin Türkiyəyə göstəriş vermək haqqı yoxdur"

Biz Avropa dəyərlərini qoruyuruq

Bakı. 25 iyul. REPORT.AZ/ Avropa İttifaqının ölüm cəzasının mümkün bərpası ilə əlaqədar Türkiyəyə göstəriş vermək haqqı yoxdur.

"Report" xəbər verir ki, bu barədə Türkiyə xarici işlər naziri Mövlud Çavuşoğlu "Habertürk" telekanalına müsahibəsində bildirib.

"Aİ-nin Türkiyəyə göstəriş vermək haqqı yoxdur. Biz Avropa dəyərlərini qoruyuruq. Avropa rəsmiləri tez-tez öz fikirlərini bildirir. Amma bunu hədə şəklində eləmək lazım deyil", - deyə M.Çavuşoğlu vurğulayıb.

Qeyd edək ki, bir müddət əvvəl Avropa Komissiyasının sədri Jan-Klod Yunker rəsmi Ankaranın ölüm cəzasını bərpa edəcəyi təqdirdə Aİ-nin Türkiyənin üzvlüyü ilə bağlı danışıqlar prosesini dayandıracağını bildirmişdi.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi