Yuxarı

Moskvadan Yerevana gedən avtobus qəzaya uğrayıb: 5 nəfər ölüb, onlarla insan yaralanıb

22 sərnişin, o cümlədən dörd uşaq xəstəxanaya çatdırılıb

Bakı. 14 oktyabr. REPORT.AZ/ Moskvadan Yerevana doğru hərəkət edən avtobus dünən gecə qəzaya uğrayıb, ölən və yaralananlar var.

"Report" Ermənistan KİV-inə istinadən xəbər verir ki, bu barədə Ermənistan Fövqəladə Hallar Nazirliyindən bildiriblər.

Məlumata görə, yerli vaxtla saat 05:30-da Rusiya FHN-in Böhran Vəziyyətlərində İdarəetmə Mərkəzindən Vladikavkaz-Beslan trasının 8-ci km-də Moskvadan Yerevana doğru hərəkət edən "Mercedes Benz-0404-15R" markalı sərnişin avtobusunun "Skaniya" markalı yük maşınına çırpıldığı barədə məlumat daxil olub.

Qəza nəticəsində 27 sərnişin xəsarət alıb, onlardan beşi ölüb. 22 sərnişin, o cümlədən dörd uşaq isə Vladiqafqazda xəstəxanaya çatdırılıb.

Avtobusda ümumilikdə 52 sərnişin olub.

İlkin versiyaya görə, sərnişin avtobusunun sürücüsü sükan arxasında yuxuya gedib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi