Moskvadakı qənnadı fabrikində atəş açan şəxsin saxlanılması üzrə əməliyyat başlayıb

Bakı. 27 dekabr. REPORT.AZ/ Rusiyanın paytaxtı Moskvada "Sirena" planı elan edilib. Əməliyyat "Menşevik" fabrikində atəş açan şəxsin axtarışına və saxlanmasına yönəlib.

"Report" Rusiya KİV-inə istinadən xəbər verir ki, bu barədə DİN-in Moskva idarəsindən məlumat veriblər.

Polislərə axtarılan şəxsin fotoşəkili göndərilib.

Məlumata görə, atəş açan fabrikin sabiq direktoru polis mühasirəsi təşkil edilənə qədər ərazini tərk edib.

Xatırladaq ki, Moskvada "Menşevik" qənnadı fabrikində atəş açılması nəticəsində bir nəfər ölüb. Atəş açan şəxs - müəssisənin keçmiş sahibi fabrikin saxta sənədlərlə onun əlindən alındığını bildirib.