Bakı. 1 fevral. REPORT.AZ/ Moskvada ictimai nəqliyyatda gediş haqqı tarifləri fevralın 1-dən etibarən orta hesabla 7 faiz artırılıb.
"Report" BBC-yə istinadən xəbər verir ki, bu barədə paytaxtın Nəqliyyat Departamentinin müdir müavini Alina Bisembayeva məlumat verib.
Xüsusilə də, şəhər nəqliyyatının bütün növlərindən istifadə etməyə imkan verən vahid yol biletinin dəyəri, bir gediş üçün 40 rubldan 50 rubla qədər, iki gediş üçün isə 80 rubldan 100 rubla qədər artıb.
Moskvanın ictimai nəqliyyatında gediş haqlarının tarifləri sonuncu dəfə 1 iyun 2014-cü il tarixində qaldırılıb.