Bakı. 13 fevral. REPORT.AZ/ Moskvada partlayıcı qurğu haqqında anonim zəngdən sonra "Afimall City" ticarət mərkəzində təcili evakuasiya tədbirləri həyata keçirilib.
"Report" "RİA Novosti"yə istinadən xəbər verir ki, bu barədə şəhərin fövqəladə hallar idarəsindəki mənbə məlumat verib.
O, həmçinin hazırda hadisə yerində bütün operativ xidmətlərin əməkdaşlarının çalışdığını və təxliyyədən sonra ticarət mərkəzində olanların yoxlanışının aparılacağını da bildirib.