Moskvada “Kosmos” mehmanxanasında yanğın olub

Bakı. 12 fevral. REPORT.AZ/ Rusiya paytaxtı Moskvanın şimal-şərqində yerləşən “Kosmos” mehmanxanasında yanğın olub.

“Report” TASS-a istinadən xəbər verir ki, bu barədə yerli Fövqəladə Hallar İdarəsi məlumat yayıb.

Yanğın binanın 15-ci mərtəbəsində baş verib. Hadisə yerinə 15 yanğınsöndürmə qrupu cəlb edilib.

Mehmanxanada olan 230 nəfər təxliyyə olunub.

Məlumata görə, yanğının qarşısı alınıb. Amma binanın içini bürüyən qatı tüstü hələ də çəkilməyib.