Yuxarı
    Bağlamaq

    Moskvada keçiriləcək təhlükəsizlik konfransına 78 ölkənin nümayəndəsi qatılacaq

    Konfrans aprelin 26-27-də keçiriləcək

    Bakı. 5 aprel. REPORT.AZ/ 78 ölkənin nümayəndəsi Moskva Təhlükəsizlik Konfransında iştirak etmək barədə razılıq verib. Onlar arasında 20-dən çox müdafiə naziri də var.

    "Report" RİA "Novosti"yə istinadən xəbər verir ki, bu barədə Rusiyanın müdafiə nazirinin müavini, general-leytenant Aleksandr Fomin brifinqdə bildirib.

    Konfrans aprelin 26-27-də keçiriləcək. Orada geniş spektrli məsələlər, o cümlədən terrorla mübarizə məsələsi müzakirə olunacaq.

    Onun sözlərinə görə, konfransda beynəlxalq təşkilatların rəhbərlərinin çıxışı planlaşdırılır. Artıq ATƏT və ŞƏT-in baş katibi, MDB-nin icraçı katibi, BMT və Ərəb Dövlətləri Liqasının baş katiblərinin müavinləri, Beynəlxalq Qızıl Xaç Komitəsinin vitse-prezidenti iştiraklarını təsdiq ediblər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi