Yuxarı

​Moskvada keçiriləcək hərbi parada ötənilkindən 4 dəfə az vəsait xərclənəcək

Qələbənin 70-ci ildönümünə həsr olunan hərbi parad və konsertə 810 milyon rubl xərclənmişdi

Bakı. 6 may. REPORT.AZ/ Moskvada "Qırmızı meydan"da keçiriləcək qələbənin 71-ci ildönümünə həsr olunan parada 210 milyon rubl (builki kursla 4 milyon 788 min manat, yaxud 3 milyon 170 min 861 dollar) xərclənəcəyi gözlənilir.

"Report" xəbər verir ki, bu haqda RBK məlumat yayıb.

Məlumata görə, bu il aprelin sonunda parad üçün 210 milyon rubl məbləğində tender keçirilib. İnformasiyada bildirilib ki, bu məbləğə qənaətin ediləcəyi ehtimalı azdır. Çünki artıq tədbirlərlə bağlı bütün müsabiqələr başa çatıb.

Xəbərə əsasən, qələbənin 70-ci ildönümünə həsr olunan hərbi parad və konsertə 810 milyon rubl (builki kursla 18 milyon 468 min manat, yaxud 12 milyon 230 min 464 min dollar) xərclənib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi