Moskvada bankomat partladılaraq qarət olunub

Bakı. 19 sentyabr. REPORT.AZ/ Moskvada Lermontov prospektində “Alfa-Bank”a məxsus bankomat partladılaraq qarət olunub.

“Report” "RİA Novosti”yə istinadən xəbər verir ki, bəzi mənbələr 15 milyon rublun (260 min dollar) oğurlandığını bildiriblər.

Hadisə sentyabrın 19-da səhər saatlarında baş verib. Naməlum şəxslər bankomatı qazla partladaraq oradakı pulları götürüb qaçıblar.

Bank cinayət işinin açılması üçün istintaqa yardım edir.