Moskva. 8 sentyabr. REPORT.AZ/ Rusiyanın Moskva vilayətinin Balaşixi rayonunda keçmiş kinoteatrın divarlarının bazar cərgəsinə tərəf çökməsi nəticəsində beş nəfər xəstəxanaya çatdırılıb.
"Report" TASS-a istinadən xəbər verir ki, ilkin məlumatlara görə, arasında uşaq da olmaqla 7 nəfər xəsarət alıb və onlardan beşi Balaşixi Mərkəzi Rayon Xəstəxanasına yerləşdirilib.
Digər iki zərərçəkənə ambulator tibbi yardım edilib.
Çökmənin ümumi sahəsi təxminən 50 kvadratmetrdir.
Hadisə yerində xilasedicilər işləyir.