Yuxarı

​Moskva: Rusiyanın dövlət məmurları Kuril adalarına səfərlərini davam etdirəcəklər

Biz Yaponiya ilə dostluq etmək istəyirik”

Bakı. 22 Avqust. REPORT.AZ/ “Rusiya Yaponiya ilə dostluq etmək istəyir, lakin rusiyalı dövlət məmurları əvvəl olduğu kimi, bundan sonra da Kuril adalarına səfərlərini davam etdirəcəklər”.

“Report” TASS-a istinadən xəbər verir ki, bu barədə jurnalistlərə Rusiyanın baş naziri Dmitri Medvedev bildirib.

"Biz Yaponiyaya qarşı yaxşı münasibətdəyik, lakin bu, Rusiyanın bir hissəsi olan və Saxalin vilayəti adı altında Rusiya Federasiyasının subyektinə daxil olan Kuril adaları ilə heç bir halda əlaqəli olmamalıdır. Ona görə biz Kurilə getmişik və bundan sonra da gedəcəyik", - deyə Medvedev əlavə edib.

Rusiyanın hökumət başçısı ölkəsinin mövqeyinin sadə olduğunu xüsusi olaraq qeyd edib:

"Biz Yaponiya ilə dostluq etmək istəyirik, Yaponiya bizim qonşumuzdur".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi