Yuxarı
    Bağlamaq

    Mixail Qorbaçov Almaniyadakı villasını satır

    17 otaqlı bu malikanə 1908-ci ildə tikilib

    Bakı. 23 fevral. REPORT.AZ/ Keçmiş SSRİ-nin ilk və sonuncu prezidenti Mixail Qorbaçov Almaniyanın Bavariya bölgəsindəki villasını 7 milyon avroya satışa çıxarıb. 

    “Report” xəbər verir ki, məlumatı Almaniyanın “Süddeutsche Zeitung” qəzeti yayıb.

    Villanın yerləşdiyi Oberax şəhərinin meri Kristian Kyok bildirib ki, M.Qorbaçov sonuncu dəfə 3 il əvvəl bu evdə olub: “Halbuki sakinlər əvvəllər onunla şəhərin küçə və restoranlarında tez-tez rastlaşırdılar”.

    Qəzetin yazdığına görə, Qorbaçovlar ailəsi 11 il əvvəl Teqernzee gölünün ətrafında torpağı və malikanəni alıblar. 17 otaqlı bu malikanə 1908-ci ildə tikilib. 2006-cı ildə binanı Mixail Qorbaçovun yeganə qızı İrina Virqanskaya alıb. Villanın sahəsi 2,6 min kv metrdir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi