Rusiya hökumətinin başçısı Dmitri Medvedev Sibirdə meşələrin qəsdən yandırılması versiyasının yoxlanılması ilə bağlı Baş Prokurorluğa və İstintaq Komitəsinə tapşırıq verib.
“Report” TASS-a istinadən xəbər verir ki, bu barədə D.Medvedev avqustun 1-də Çitada keçirilən müşavirədə bildirib.
Onun sözlərinə görə, meşələrin qanunsuz kəsilməsini gizlətmək üçün qəsdən yanğın törədə bilərlər: Tapşırığa əsasən, yoxlama bu il noyabrın 1-dək başa çatdırılmalıdır.
Qeyd edək ki, avqustun 1-də gecə saatlarında ABŞ Prezidenti Donald Tramp Sibirdəki yanğının söndürülməsinə yardım etmək məqsədi ilə Rusiya Prezidenti Vladimir Putinə zəng edib.
Xatırladaq ki, Sibirdə 3 mln. hektardan çox meşə sahəsi yanır.