Yuxarı

MDB İcraiyyə Komitəsində qənaət məqsədilə işçilərin sayı azaldılacaq

Lebedev: Hazırda təşkilatın xərclərinin optimallaşdırılması üzərində iş gedir

Bakı. 12 iyul. REPORT.AZ/ MDB İcraiyyə Komitəsinin əməkdaşlarının sayı maliyyə vəsaitlərinə qənaət edilməsi məqsədilə azaldılacaq.

"Report" "RİA Novosti"yə istinadən xəbər verir ki, bu barədə İcraiyyə Komitəsinin sədri, MDB-nin icraçı katibi Sergey Lebedev bildirib.

"Maliyyə məsələləri bizi ixtisara məcbur edir. Büdcəmiz gərgindir", - deyə S.Lebedev çərşənbə axşamı Minskdə jurnalistlərə açıqlamasında qeyd edib.

O, neçə əməkdaşın ixtisara düşəcəyinə aydınlıq gətirməyib, amma ixtisarların cüzi olacağına və Birliyin orqanlarının fəaliyyətinə təsir etməyəcəyinə ümid etdiyini vurğulayıb.

Eyni zamanda S.Lebedev hazırda MDB İcraiyyə Komitəsinin xərclərinin optimallaşdırılması üzərində iş getdiyini sözlərinə əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi