Yuxarı

Ərdoğan Rusiya Federasiya Şurasının sədri ilə İdlibə dair müzakirələr aparıb

Matviyenko Türkiyə prezidenti ilə İdlib məsələsin müzakirə edib

Rusiya Federasiya Şurasının sədri Valentina Matviyenko ilə Moskvada səfərdə olan Türkiyə prezidenti Rəcəb Tayyib Ərdoğan Suriyanın İdlib şəhəri ətrafındakı vəziyyətə dair müzakirələr aparıblar.

“Report” “RİA Novosti”yə istinadən xəbər verir ki, bu barədə Şura sədri jurnalistlərə bildirib.

“İdlib məsələsinə dair söhbət zamanı bu şəhərdən Rusiya hərbi bazasının atəşə tutulması ilə bağlı narahatlıq bildirdim. Bunlar bizi narahat edir, biz cavab verməyə bilmərik”, - deyən sədrin sözlərinə görə, prezident Ərdoğan da İdlibdə atəşkəsin təmin olunmadığından narahatlığını ifadə edib.

“Bu söhbətdən sonra iki ölkənin müdafiə nazirlikləri təmas quraraq məsələni həll etmək üçün birgə tədbirlər görürlər”, - Rusiya Federasiya Şurasının sədri əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi