Bakı. 26 yanvar. REPORT.AZ/ Krım-Tatar Xalq Məclisi üzvlərinin vəkili Emil Kurbedinov Krımda tutulub.
“Report” RİA "Novosti”yə istinadən xəbər verir ki, bunu vəkil Edem Semedlyaev bildirib.
“Emili saxlayıblar. Bizim ofisdə axtarış aparılır”, - deyə o, telefonla jurnalistlərə bildirib.
Edem Semedlyaev E.Kurbedinovun saxlanılması səbəbini bilməsə də, axtarışı ekstermizmə qarşı mərkəzin əməkdaşlarının apardığını vurğulayıb.
Qeyd edək ki, Rusiya Krımı ilhaq etdikdən sonra Krım-Tatar Xalq Məclisini “ekstermist təşkilat” elan edərək, fəaliyyətinə qadağa qoyub.