Bakı. 21 iyul. REPORT.AZ/ Rusiya prezidentinin mətbuat katibi Dmitri Peskov KİV-də Rusiyanın Türkiyəni dövlət çevrilişi barədə xəbərdar etməsi haqqında yayılan xəbərlərə münasibət bildirib.
"Report" "RİA Novosti"yə istinadən xəbər verir ki, D.Peskov belə bir məlumatın olmadığını deyib.
"Agentliyin hansı mənbələrə istinad etdiyini bilmirəm", - deyə o vurğulayıb.
Xatırladaq ki, daha əvvəl bəzi media orqanları "Fars" agentliyinə istinadən Rusiyanın dövlət çevrilişi barədə Türkiyə prezidenti Rəcəb Tayyib Ərdoğana xəbərdarlıq etdiyini yazmışdı.