Bakı. 8 mart. REPORT.AZ/ Rusiyanın Krasnoyarsk diyarının Uyar şəhərindəki mənzillərdən birində baş verən yanğın nəticəsində 3 azyaşlı həyatını itirib.
"Report" TASS-a istinadən xəbər verir ki, bu haqda diyarın Daxili İşlər Baş İdarəsi məlumat yayıb.
Məlumata görə, hadisə nəticəsində ölən azyaşlılar 2011, 2013 və 2014-cü illlərdə anadan olublar.
Yanğının səbəbi məlum deyil. Hadisə baş verən zaman valideynlər evdə olmayıblar. Xəbərə əsasən, ailə qeydiyyatdan da keçməyib.