Bakı. 15 iyun. REPORT.AZ/ Kiyev beynəlxalq aeroportunda Ukraynanın "Bravo Airways" aviaşirkətinə məxsus sərnişin təyyarəsi uçuş-eniş zolağından kənara çıxıb.
“Report” xəbər verir ki, bu barədə məlumat aeroportun "Facebook" səhifəsinə yerləşdirilib.
Zolaq yaş olduğundan təyyarə eniş və tormozlama zamanı yoldan kənara çıxıb.
Antalyadan qayıdan təyyarədə 169 sərnişin olub. Hadisə nəticəsində xəsarət alan olmayıb.
İnsanlar təxliyyə olunub və gözləmə zalına yerləşdirilib.
Hadisə ilə əlaqədar hava limanı yerli vaxtla gecə saat 1-ə qədər bağlı olub.