KİV: Rusiya Gürcüstanla aviasiya əlaqələrini bərpa edə bilər

Rusiya Gürcüstanla aviasiya əlaqələrini bərpa edə və Gürcüstan vətəndaşları üçün vizaların ləğvi məsələsinə qayıda bilər.

Bu barədə "Report" "Kommersant"a istinadən xəbər verir.

"Addımların ardıcıllığı olmalıdır. Gürcüstanda vəziyyət normallaşsa, vətəndaşlarımızın təhlükəsizliyinə zəmanət veriləcəksə, hava əlaqəsi barədə danışa bilərik", - Rusiya Xarici İşlər Nazirliyindən bildirilib.

Vurğulanıb ki, bundan sonra Gürcüstan vətəndaşları üçün viza rejiminin ləğvi fikrinə qayıtmaq barədə düşünməyə başlamaq olar.