Yuxarı

KİV: "İranın nüvə proqramı ilə bağlı üç məsələ həll edilməyib"

​Diplomat: Bəzən elə vəziyyət yaranır ki, siz ya hə, ya da yox deməlisiniz

Bakı. 30 mart. REPORT.AZ/ "İranın nüvə proqramı üzrə aparılan danışıqlarda həll edilməyən üç məsələ var". "Report" "TASS"a istinadən xəbər verir ki, bunu qərbli diplomat bildirib.

Həmin üç məsələ bunlardır: razılaşmanın fəaliyyət müddəti, BMT sanksiyalarının ləğv ediləcəyi tarix, İranın müqaviləni pozacağı halda qadağaların tətbiqi mexanizmi.

Məlumatda bildirilib ki, martın 31-dək bu məsələlərin öz həllini tapacağı hələlik aydın deyil.

Diplomatın sözlərinə əsasən, İran razılaşmanın şərtlərini indiki halda qəbul edib-etməməsinə cavab verməlidir. O, İslam Respublikasının mövcud durumunu belə səciyyələndirib: "Bəzən elə vəziyyət yaranır ki, siz ya "hə", ya da "yox" deməlisiniz".

Xatırladaq ki, on günə yaxındır İranın nüvə proqramı üzrə ABŞ-İran, İran - "altılıq" (ABŞ, Almaniya, Britaniya, Fransa, Rusiya və Çin) arasında danışıqlar gedir. Xəbərlərə əsasən, bu müzakirələrin yekunu olaraq martın 31-də razılaşma imzalanmalıdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi