Yuxarı
    Bağlamaq

    KİV: Gürcüstan NATO sammitində yeni status alacaq

    Beş ölkə Alyansın bir nömrəli partnyorları adlandırılacaq

    Bakı. 4 sentyabr. REPORT.AZ/ Gürcüstan sentyabr ayının 4-5-də Uelsdə keçiriləcək NATO sammitində alyansla münasibətlərində yeni status alacaq beş ölkədən biri olacaq. Report xəbər verir ki, bu barədə "Svenska Dagbladet" İsveç qəzeti yazıb.

    Gürcüstan Finlandiya, Avstraliya, İordaniya və İsveçlə birgə "qızıl kart" (gold card) alacaq və "bir nömrəli partnyor" (partner no 1) hesab olunacaq. Bu isə o deməkdir ki, həmin ölkələr NATO-ya faktiki üzv olmadan ən yüksək mövqeyə sahib olacaq və ya yüksək əməkdaşlıq imkanlarına malik olacaq.

    NATO-nun gərargahından əldə olunan qəzet məlumatına əsasən, yeni status həmin beş ölkə üçün təlimlərin planlaşdırılmasında iştirak, eləcə də kəşfiyyat məlumatların toplanması sahələrində əlaqələrin aktivləşməsi üçün yeni qapılar açacaq.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi