Yuxarı
    Bağlamaq

    ​KİV: Ankarada terror aktı törədənlərin kimliyi müəyyənləşib

    Hüquq-mühafizə orqanları terrorçuları Ankaraya gətirən avtomobillərin sahiblərini və bombanı hazırlayan şəxsi həbs edib

    Bakı. 14 oktyabr. REPORT.AZ/ Türkiyənin paytaxtı Ankarada terror aktı törədən hər iki terrorçu kamikadzenin kimlikləri müəyyənləşib.

    "Report" Türkiyə KİV-inə istinadən xəbər verir ki, terror aktını Yunus Emre Alagöz və Ömər Dəniz Dündar törədib. 

    Xəbərdə bildirilib ki, hər iki terrorçu ayrı-ayrı avtomobillərdə Türkiyənin Qaziantəp bölgəsindən Ankaraya gəliblər.

    Partlayıcıları adı və soyadı tam açıqlanmayan Y.Ş.-nın hazırladığı müəyyən edilib. Hüquq-mühafizə orqanları terrorçuları Ankaraya gətirən avtomobillərin sahiblərini və Y.Ş.-nı Qaziantəpdə həbs edib.  

    Terrorçuların şəxsiyyətləri dəmiryol vağzalında qoyulan kameraların vasitəsi ilə təsbit edilib. DNT analizindən sonra onların kimliyi müəyyənləşdirilib.

    Qeyd edək ki, oktyabrın 10-da Ankaranın dəmiryol stansiyasının yaxınlığında terror aktı törədilib. İki terrorçu kamikadzenin özlərini partlatması nəticəsində 97 nəfər ölüb, 500 nəfərədək insan yaralanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi