Yuxarı
    Bağlamaq

    Kaxa Kaladze: “Abxaziyadan keçməklə Ermənistana gedən dəmir yolunun açılması məsələsi danışıqlar mövzusu olmayıb”

    Gürcüstanın baş nazirinin müavini: “Bizim görüşlərdə konkret belə bir məsələ müzakirə olunmayıb və heç söhbət belə getməyib”

    Tbilisi. 27 fevral. REPORT.AZ/ “Ermənistanın baş nazirinin Gürcüstana səfəri zamanı Abxaziya dəmir yolunun açılışı məsələsi müzakirə olunmayıb”.

    “Report”un Gürcüstan bürosu xəbər verir ki, bunu jurnalistlərə açıqlamasında Gürcüstanın baş nazirinin müavini, energetika naziri Kaxa Kaladze deyib.

    O, müxalifət partiyalarının bununla bağlı iddialarını təkzib edib: “Müxalifət iddia edir ki, guya Ermənistanın baş naziri Karen Karapetyanın Tbilisiyə səfəri zamanı Abxaziya dəmir yolunun açılışı barədə danışıqlar olub. Bizim görüşlərdə konkret belə bir məsələ müzakirə olunmayıb və heç söhbət belə getməyib”.

    Qeyd edək ki, Ermənistanın baş naziri Karen Karapetyanın Tbilisiyə səfərindən sonra Gürcüstan hökumətinin işğal olunmuş Abxaziyadan keçməklə Ermənistana gedən dəmir yolunun açılacağı barədə fikirlər səslənib, müxalifət hökuməti növbəti saxtakarlıqda ittiham edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi