Bakı. 1 iyul. REPORT.AZ/ İstanbul polisinin keçirdiyi əməliyyat nəticəsində silah qaçaqmalçılığında şübhəli bilinən 87 nəfər saxlanılıb.
"Report" Türkiyə KİV-inə istinadən xəbər verir ki, saxlanılanlar Qaziosmanpaşa məhkəməsinə aparılıb.
İnfromasiyaya görə, Mütəşəkkil Cinayətkarlığa qarşı Mübarizə Şöbəsinin əməkdaşları Türkiyənin cənub-şərq və Qaradəniz bölgələrindən qaçaqyolla "qara bazara" silah gətirildiyi haqda məlumat alıblar. Bundan sonra əməliyyat keçirilib.
Məlumata əsasən, iyunun 28-də 1500 polis əməkdaşının İstanbul, Ədirnə,Trabzon, Muş, Mardin və Şırnakda 143 ünvanda eyni vaxtda keçirdiyi əməliyyat nəticəsində 72 tapança, 16 tüfəng, 2 min 149 ədəd güllə, bir ədəd gecə görüntü durbini və müxtəlif silahların çoxlu sayda ehtiyat hissələri aşkarlanaraq, götürülüb.