Yuxarı
    Bağlamaq

    ​İstanbulda keçirilən antiterror əməliyyatı nəticəsində 17 nəfər tutulub

    Onlardan 2 avtomat silah, 2 tüfəng, 12 molotovkokteyl, 11 ədəd fişəng, 43 ədəd məşəl müsadirə edilib

    Bakı. 11 sentyabr. REPORT.AZ/ Türkiyənin İstanbul şəhərində Terrora qarşı Mübarizə Şöbəsi və təhlükəsizlik qurumlarının keçirdiyi antiterror əməliyyatları nəticəsində 17 nəfər tutulub.

    "Report" xəbər verir ki, bu haqda Türkiyə KİV-i məlumat yayıb.

    Xəbərə görə, əməliyyat şəhərin Sancaqtəpə, Ataşəhir, Küçükçekmece, Umraniye, Esenyurt, Bayrampaşa, Qaziosmanpaşa və Zeytunburnu rayonlarında keçirilib.

    Tutulanlardan 14-ü terrorçu PKK-nın üzvüdür.

    Əməliyyat nəticəsində onlardan 2 avtomat silah, 2 tüfəng, 12 "molotov kokteyli", 11 ədəd fişəng, 43 ədəd məşəl, habelə terrorçu qruplaşmaya aid bir sıra sənədlər müsadirə edilib.

    Bundan başqa Ataşəhirdə Xalqların Demokratik Partiyasının yerli təşkilatının qərargahına ziyan vurmaqda şübhəli bilinən 3 nəfər də həbs olunub.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi