Yuxarı

​İstanbul polisi İŞİD-ə üzv olmaqda şübhəli bilinən 8 nəfəri saxlayıb

Onlar İstanbula gəzməyə gəldiklərini bildiriblər

Bakı. 18 noyabr. REPORT.AZ/ İstanbulun Atatürk Hava limanında Mərakeşin Kasablanka şəhərindən Türkiyəyə qaçqın kimi gələrək, qaçaqyolla Almaniyaya getmək istədiklərini iddia edən 8 nəfər saxlanılıb.

"Report" Türkiyə KİV-inə istinadən xəbər verir ki, şübhəlilər İstanbula gəzməyə gəldiklərini bildiriblər.

Lakin onların hərəkəti hüquq-mühafizə orqanlarının əməkdaşlarında şübhə yaradıb. Məlumatda bildirilib ki, onlar terrorçu İŞİD-ə üzv olmaqda şübhəli bilinirlər.

Şübhəlilərdən birinin üzərindən İstanbuldan başlayaraq, İzmir, Yunanıstan, Serbiya və Macarıstandan keçərək, Almaniya çatmaq üçün cızılmış yol planı aşkar edilib.

Hazırda saxlanılanlar dindirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi