Bakı. 15 aprel. REPORT.AZ/ İsrailin baş naziri Binyamin Netaniyahu aprelin 21-də Rusiyaya qısamüddətli işgüzar səfər edəcək.
"Report" xəbər verir ki, bu haqda Kremlin mətbuat xidməti məlumat yayıb.
Məlumata görə, səfər çərçivəsində o, Rusiya prezidenti Vladimir Putinlə görüşərək, ikitərəfli əlaqələrin inkişafını, İsrail-Fələstin münaqişəsinin tənzimlənməsinin perespektivlərini və Suriyadakı vəziyyəti müzakirə edəcək.
Qeyd edək ki, aprelin 18-də Fələstin prezidenti Mahmud Abbas da Moskvaya işgüzar səfərə gedəcək.