Yuxarı

İsrail mətbuatı: İran Suriyaya döyüşçülər göndərib

Haarets qəzeti: İranın İnqilab Keşikçiləri Qvardiyasının yüzlərlər döyüşçüsü Bəşşar Əsədin nəzarəti altında olan bölgəyə göndərilib

Bakı. 11 sentyabr. REPORT.AZ/ İranın İnqilab Keşikçiləri Qvardiyasının yüzlərlər döyüşçüsü Suriyaya, Bəşşar Əsədin nəzarəti altında olan bölgəyə göndərilib.

"Report" xəbər verir ki, bu haqda İsrailin "Haarets" qəzeti məlumat yayıb.

Xəbərə görə, İran qvardiyaçıları ilə yanaşı həmin əraziyə Livandakı terrorçu "Hizbullah" da silahlı yollayıb.

Son bir neçə gündə Suriyaya göndərilən İran hərbçiləri ölkənin cənub-qərbində, Livanla sərhəddəki Zabadadni rayonunda yerləşdiriliblər.

İsrail kəşfiyyatının məlumatına görə, hazırda Bəşşar Əsəd ölkə ərazisinin 1/4 hissəsinə, "Kiçik Suriya"ya nəzarət edir. Həmin hissədə sahilyanı Latakiya və Tartus liman-şəhərləri yerləşir.

Qeyd edək ki, bu günlərdə ABŞ rəsmiləri Rusiyanın da Suriyaya, Bəşşar Əsəd hökumətinə yardım məqsədi ilə hərbi qüvvə və texnika göndərdiyini bildirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi