Yuxarı

​İŞİD Suriya və İraqda 11 minə yaxın insanı edam edib

Daha çox edam İraq ərazisində həyata keçirilib

Bakı. 25 sentyabr. REPORT.AZ/ "İraq-Şam İslam Dövləti" (İŞİD) terror qruplaşmasının üzvləri Suriyada olduqları müddətdə 3 min 207 nəfəri edam ediblər.

"Report" xəbər verir ki, bu barədə "The Syrian Observatory for Human Rights" hüquq müdafiə təşkilatının nümayəndələri məlumat yayıb.

Öldürülənlər arasında 98 qadın və 76 uşaq olub.

"The Iraqi Observatory for Human Rights" təşkilatının açıqladığı məlumatda isə, İŞİD-in İraqda həyata keçirdiyi edamlar öz əksini tapıb. Terrorçular İraq ərazisində 7 min 700 qadın, uşaq və kişi edam ediblər.

Hüquq müdafiəçiləri burada söhbətin yalnız edam olunan hərbçi və dinc sakinlərdən getdiyini bildiriblər. Edam növləri arasında güllələnmə, baş kəsmə, yandırma, daşa basma və s. göstərilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi