Yuxarı

İrəvanda etirazçılar Ermənistan hakimiyyətinə ultimatum veriblər

Biz Marşal Baqramyan prospektini açmayacağıq

Bakı. 4 iyul. REPORT.AZ/ Ermənistanda elektrik enerjisi tariflərinin artırılmasına qarşı etiraz aksiyası keçirənlər ölkə hakimiyyətinə ultimatum irəli sürüblər.

“Report” TASS-a istinadən xəbər verir ki, bu bəyanatla Marşal Baqramyan prospektində yüzlərlə mitinq iştirakçısı qarşısında etiraz hərəkatı əlaqələndiricilərindən biri David Sanasaryan çıxış edib.

“Biz Marşal Baqramyan prospektini açmayacağıq. Bazar ertəsi axşamadək gözləyəcəyik. Əgər bir tələbimiz belə yerinə yetirilməsə, biz “İrəliyə addım” etiraz aksiyasına başlayacağıq və zibil konteynerlərindən ibarət barrikadanı prezident sarayına doğru irəlilədəcəyik", - deyə o, Ermənistan hakimiyyətinə xitabən deyib.

Sanasaryanın fikrincə, fəallar hakimiyyətə qarşı dinc, lakin çağırış xarakterli addım atmaq məcburiyyətindədirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi