Bakı. 1 fevral. REPORT.AZ/ PKK terrorçu qruplaşması Türkiyənin Hakkari vilayətinin Şemdinli rayonundakı daha bir hərbi hissəyə hücum təşkil edib.
"Report" NTV-yə istinadən xəbər verir ki, bu gün axşam saatlarında İraqın şimalından atılan mərminin partlaması nəticəsində 2 hərbçi şəhid olub, 2-si yaralanıb.
Yaralı hərbçilər dövlət xəstəxanasına yerləşdiriliblər.
Qeyd edək ki, bu gün səhər saatlarında Türkiyənin Hakkari əyalətinin Çukurca rayonundakı Güvən dağında yerləşən hərbi hissəyə İraq tərəfdən raket atılması nəticəsində 1 hərbçi şəhid olub, 5-i yaralanıb.