Yuxarı

İraq Türkiyəyə nota verib

Türkiyə səfiri İraq XİN-ə çağırılıb

Bakı. 13 oktyabr. REPORT.AZ/ İraq hökuməti türk hərbçilərin Başika bölgəsində mövcudluğuna etiraz olaraq Türkiyəyə nota verib. 

"Report" "Hurriyet"ə istinadən xəbər verir ki, bu barədə İraq Xarici İşlər Nazirliyinin sözçüsü Ahmed Cemal bildirib. 

Onun sözlərinə görə,Türkiyənin Bağdaddakı səfiri Faruk Kaymakçı məsələ ilə bağlı İraq XİN-ə çağırılıb və ona rəsmi olaraq nota təqdim edilib. 

Xatırladaq ki, Türkiyə Silahlı Qüvvələrinin 500 hərbçisi üç ildir Mosul əyalətinə bağlı Başika bölgəsinə yerləşdirilib. Onlar İŞİD-ə qarşı mübarizə aparmaq üçün İraqın şimalında Kürd Muxtar Bölgəsinin silahlılarına təlim keçir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi