Yuxarı

İraqın baş naziri: "Suriyaya qoşun göndərə bilərik"

İraq Suriyaya qoşun göndərəcək

Bakı. 25 dekabr. REPORT.AZ/ “İraq Suriyaya hərbçi göndərə bilər”.

“Report” “DHA”ya istinadən xəbər verir ki, bunu İraqın Baş naziri Adil Əbdülmehdi bildirib.

Onun sözlərinə görə, ölkəsini sərhədlərindəki təhdidlərdən qorumaq üçün bütün variantları dəyərləndirirlər. Baş nazir terrorçu İŞİD qruplaşmasının gələcəkdə savaş bölgəsini genişləndirəcəyindən və Suriyadan İraqa qaçqın axınından narahat olduqlarını vurğulayıb.

Hökumət başçısı qeyd edib ki, ABŞ-ın hərbçilərini Suriyadan çıxarandan sonra rəsmi Bağdad bu ölkəyə hərbçi göndərə bilər.

A.Əbdülmehdi ABŞ-ın dövlət katibi Maykl Pompeo ilə danışığında Vaşinqtonun İraqdan Suriyaya qoşun göndərməsini tələb etmədiyini bildirib: “İraq bu məsələ ilə bağlı qərarını dostları və qonşuları ilə müzakirə etdikdən sonra verəcək”.

Qeyd edək ki, ABŞ Prezidenti Donald Tramp dekabrın 19-da Birləşmiş Ştatlar hərbçilərinin Suriyadan çıxarılması haqqında qərar imzalayıb. Həmin tarixdən ABŞ-ın hərb texnikasının İraqa daşımağa başlayıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi