Yuxarı
    Bağlamaq

    İranlı general Pakistanı hədələyib

    Məhəmmədhüseyn Baqiri: “Yaranmış mövcud vəziyyət bizim üçün qəti qəbuledilməzdir”

    Bakı. 8 may. REPORT.AZ/ İran Silahlı Qüvvələri rəsmi İslamabadı Pakistan ərazisindəki terrorçulara zərbə endirəcəyi ilə hədələyib.

    “Report” xəbər verir ki, bunu İran Silahlı Qüvvələri Baş Qərargahının rəisi, diviziya generalı Məhəmmədhüseyn Baqiri yerli IRINN televiziyasına müsahibəsində bildirib.

    O qeyd edib ki, yaranmış mövcud vəziyyət İran üçün qəti qəbuledilməzdir: “Hesab edirik ki, Pakistan hökuməti sərhədə nəzarət edəcək, terrorçuları İrana təhvil verəcək və onların ölkə ərazisindək düşərgələrini məhv edəcək. Pakistan ərazisindən hücumlar davam edərsə, o zaman harada yerləşmələrindən asılı olmayaraq, terrorçuların gizləndikləri və sığındıqları yerlərə dağıdıcı zərbələr endirəcəyik”.

    Qeyd edək ki, aprelin 26-da İran Sərhəd Xidmətinin əsgərlərinə Pakistan tərəfdən açılan atəş nəticəsində ikisi kiçik rütbəli zabit olmaqla 10 nəfər ölüb, 3-ü isə yaralanıb. Hücumun məsuliyyətini “Ceyş-əl Ədl” (“Ədalət ordusu”) üzərinə götürüb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi