Yuxarı
    Bağlamaq

    ​İranın Qərbi Azərbaycan əyalətində hərbçilərlə kürd silahlıları arasında atışma olub, 10 əsgər ölüb

    Onlardan biri bölgədəki yüksək rütbəli komandirdir

    Bakı. 5 may. REPORT.AZ/ İranın Qərbi Azərbaycan əyalətinin Sərdəşt bölgəsində İslam Respublikasının hərbçiləri ilə kürd silahlıları arasında atışma nəticəsində 10 əsgər həyatını itirib, 20-si yaralanıb.

    "Report" xəbər verir ki, bunu İran Kürdüstan Demokratik Partiyası Şurasının üzvü Məhəmməd Saleh "Anadolu" agentliyinə bildirib.

    Onun sözlərinə görə, İran-İraq sərhədi yaxınlığında yerləşən Sərdəşt rayonunda kürd silahlıları ilə İran hərbçiləri arasında atşıma düşüb: "Nəticədə 10 əsgər ölüb, 20-si yaralanıb. Öldürülən hərbçilərin 8-i haqda əlimizdə məlumat var. Onlardan biri bölgədəki yüksək rütbəli komandirdir".

    İran İnqilab Keşikçiləri Qvardiyasının "badriyoon.ir" saytının məlumatına görə isə Sərdəştdə iki əsgər həyatını itirib, biri isə yaralanıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi