​İranın 100 milyard dollarına qoyulan həbs götürülüb

Bakı. 1 fevral. REPORT.AZ/ İran nüvə proqarmı ilə bağlı bir müddət öncə dondurulmuş 100 milyard dollarına çıxış əldə edib.

"Report" "Associated Press"ə istinadən xəbər verir ki, bunu fevralın 1-də İran prezidentinin planlaşdırma və strateji nəzarət üzrə müavini Məhəmmədbağır Noubəxt bildirib.

Onun sözlərinə görə, ölkəsinin Çin, Hindistan, Yaponiya, Cənubi Koreya və Türkiyə banklarında olan 100 milyard dollarlıq maliyyə vəsaitinə qoyulan həbs götürülüb. 

M.Noubəxt qeyd edib ki, ölkəsinin 9 bankı Beynəlxalq Bank məlumatları Mübadiləsi Sisteminə (SWIFT) qoşulacaq.