Yuxarı
    Bağlamaq

    İrandakı terrorda şübhəli bilinən daha iki nəfər tutulub

    Avtomobillərdən 92 ədəd yüngül odlu silah aşkarlanaraq götürülüb© Tasnimnews.com

    Bakı. 9 iyun. REPORT.AZ/ Tehranda terrorların törədilməsində şübhəli bilinən daha iki nəfər saxlanılıb.

    “Report” “Təsnim”ə istinadən xəbər verir ki, şübhəlilər Kermanşah əyalətində tutulublar.

    Polis əyalətin Selas-Babacani rayonunda keçirdiyi axtarış-əməliyyat tədbiri nəticəsində avtomobillərdən 92 ədəd yüngül odlu silah aşkarlayaraq götürüb.

    Qeyd edək ki, bir müddət əvvəl 5 nəfərin tutulduğu və istintaqın başladığı barədə məlumat yayılmışdı. Onlar Suriyanın Rakka və İraqın Mosul şəhərlərində terrorçu İŞİD qruplaşmasının tərkibində olublar.

    Xatırladaq ki, iyunun 7-də naməlum şəxslərin İran parlamentinin binasına və ayətullah Xomeyninin məqbərəsinə silahlı hücumu nəticəsində 17 nəfər ölüb, 52 nəfər isə yaralanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi