Yuxarı

İranda parlament seçkilərinin ikinci turu başlayıb

Bu mərhələdə 69 yerə 136 nəfər namizədliyini irəli sürüb

Bakı. 29 aprel. REPORT.AZ/ İran İslam Şura Məclisinə seçkilərin ikinci turu başlayıb.

"Report" xəbər verir ki, bu haqda İran KİV-i məlumat yayıb.

Məlumata görə, ölkənin 21 əyalətində 55 dairə üzrə 69 yerə 136 nəfər namizədliyini irəli sürüb. Onların 53-ü mühafizəkar, 38-i islahatçı xətt tərəfdarı, 45-i isə müstəqil namizəd sayılır.

İkinci turda 17 milyon seçicinin səsvermədə iştirak edəcəyi gözlənilir.

Qeyd edək ki, İranda parlament seçkiləri bu ilin fevralın 26-da keçirilib. Həmin tarixdə parlamentdəki 290 yerə 221 deputat seçilə bilib. Onların 46 faizi mühafizəkar, 37,5 faizi islahatçı, 16,5 faizi isə tərəfsiz sayılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi