Yuxarı

İranda iki terrorçu saxlanılıb

Saxlanılanlar terror təşkilatının üzvləri olduqlarını və İran ərazisinə təxribat törətmək məqsədilə gəldiklərini etiraf ediblər

Bakı. 20 sentyabr. REPORT.AZ/ İranın cənub-şərqində yerləşən Sistan- Bəluçistan əyalətində hüquq-mühafizə orqanlarının əməkdaşları tərəfindən iki terrorçu saxlanılıb.

"Report" "Fars" agentliyinə istinadən xəbər verir ki, saxlanılan şəxslərin üzərinə baxış keçirərkən istifadəyə hazır iki partlayıcı qurğu, odlu silah və sursatlar aşkar edilib.

İran xüsusi xidmət orqanlarının məlumatına görə, ekstremistlər İrana Pakistan sərhədindən keçiblər və onlar Saravan şəhərində terror hücumları həyata keçirmək niyyətində olublar, lakin antiterror əməliyyatları zamanı saxlanılıblar.

Dindirmə zamanı saxlanılan şəxslər terror təşkilatının üzvləri olduqlarını və İran ərazisinə təxribat törətmək məqsədilə gəldiklərini etiraf ediblər.

Terrorçular partlayıcı qurğuları insan izdihamı olan ictimai yerlərdə işə salmağı planlaşdırıblarmış.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi