Yuxarı
    Bağlamaq

    İranda iğtişaşlar nəticəsində ölənlərin sayı 12 nəfərə çatıb - YENİLƏNİB

    Etiraz aksiyaları zamanı daha bir neçə nəfər xəsarət alıb

    Bakı. 1 yanvar. REPORT.AZ/ İranda keçirilən etiraz aksiyalarının gedişində ölənlərin sayı 12 nəfərə çatıb.

    "Report" xəbər verir ki, bu barədə "İnterfaks" agentliyi İranın Mərkəzi Televiziyasına istinadən məlumat yayıb.

    Məlumata görə, 10 nəfər təhlükəsizlik qüvvələrinin əməkdaşları ilə toqquşmalarda ölüb. Daha 2 nəfər isə şənbə günü dünyasını dəyişib.


    ***13:25

    Bazar gününə keçən gecə İranın cənub-qərbində yerləşən iki şəhərdə keçirilən etiraz aksiyaları zamanı azı 4 nəfər ölüb, daha bir neçə nəfər xəsarət alıb.

    “Report” TASS-a istinadən xəbər verir ki, bu barədə bazar ertəsi yerli hökumətə istinadən "Franc-Press" məlumat yayıb.

    Bildirilir ki, Xuzestan əyalətinin İze şəhərində 2 nəfər güllələnib, bir neçə nəfər yaralanıb.

    "İki nəfər ölüb, daha bir neçə nəfər yaralanıb. Mən məhz kimin – asayiş keşikçilərinin, yaxud da nümayişçilərin atəş açdığını bilmirəm", - deyə yerli administrasiya nümayəndəsi bildirib.

    Bundan əlavə, agentliyin məlumatına görə, daha iki nəfər Lurestan əyalətinin Dorud şəhərində ölüb. Orada etirazçılar yanğınsöndürən maşını ələ keçirərək təpədən aşağı itələyiblər.

    "Avtomobil yaşlı kişi və yeniyetmənin üzərinə düşüb, hər ikisi ölüb", - deyə şəhər bələdiyyə rəhbəri bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi