İranda hərbi təyyarə qəzaya uğrayıb

Bakı. 26 avqust. REPORT.AZ/ İranın Xuzistan əyalətinin Dezful kəndində "F-5" markalı hərbi təyyarə qəzaya uğrayıb.

"Report" "Anadolu"ya istinadən xəbər verir ki, pilot qəza zamanı həyatını itirib, daha bir nəfər yaralanıb.

İran televiziyasının məlumatına görə, təyyarə günorta saatlarında texniki nasazlıq səbəbindən yerə düşüb.

Qəza ilə bağlı araşdırma aparılır.