İranda əcnəbilərdən doğulan uşaqlara vətəndaşlıq veriləcək

İranda yerli qadınların əcnəbi vətəndaşlarla nikahdan dünyaya gətirdikləri uşaqlara vətəndaşlıq veriləcək.

“Report” xəbər verir ki, bu barədə İranın Konstitusiyanı Mühafizə Şurasının sözçüsü Əli Abbas Kədxudai “Twitter”dəki səhifəsində məlumat verib.

Bildirilib ki, Mühafizə Şurası bununla bağlı qanun layihəsini təsdiqləyib.