Yuxarı

İran XİN başçısı: "Sanksiyalar bu gün ləğv ediləcək"

Məhəmməd Cavad Zərif: Sanksiyaların ləğvi həm İran, həm də bütünlükdə Yaxın Şərq üçün müsbət haldır

Bakı. 16 yanvar. REPORT.AZ/ "İrana qarşı sanksiyalar bu gün ləğv ediləcək". "Report" xəbər verir ki, bunu İranın xarici işlər naziri Məhəmməd Cavad Zərif deyib.

Nazirin sözlərinə görə, sanksiyaların ləğvi həm İran, həm də bütünlükdə Yaxın Şərq üçün müsbət haldır. Amma bəziləri hələ də nüvə anlaşmasından çəkinir və bunun əleyhinə çıxmağa çalışacaq.

Xatırladaq ki, İran XİN başçısı bu gün nüvə proqramı üzrə danışıqlar aparmaq üçün Vyanaya yollanıb. Danışıqlarda həmçinin ABŞ dövlət katibi Con Kerri və Avropa İttifaqının xarici işlər və təhlükəsizlik siyasəti üzrə ali nümayəndəsi Federika Mogerini də iştirak edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi