Bakı. 24 oktyabr. REPORT.AZ/ Tehran və Moskva Xəzər dənizində iki ölkənin hərbi dəniz qüvvələrinin birgə manevrlarını keçirməyi planlaşdırır.
“Report” xəbər verir ki, bunu şənbə günü “Fars” agentliyinə müsahibəsində İran Hərbi Dəniz Qüvvələrinin komandanı kontr-admiral Həbibullah Səyyari bildirib.
"İran və Rusiya hərbi dəniz qüvvələri Xəzər dənizində birgə manevrlar keçirməyi planlaşdırır", - deyə o bildirib.
Kontr-admiralın sözlərinə görə, manevrlar 1-2 gün ərzində keçiriləcək.