Yuxarı

İran: Suriyaya hərbi müdaxilə ABŞ üçün özünəqəsd olacaq

Hərbi müdaxilə Əfqanıstan və İraqın ardından regionda üçüncü məğlubiyyət olacaq

Bakı. 3 oktyabr. REPORT.AZ/ Suriyaya hərbi müdaxilə ABŞ üçün özünəqəsd olacaq.

"Report" xəbər verir ki, bu fikirlə İranın dini lideri Əli Xamneyinin beynəlxalq məsələlər üzrə müşaviri, ölkənin Strateji Araşdırmalar Mərkəzinin rəhbəri Əli Əkbər Vilayəti səsləndirib.

"Suriyaya birbaşa hərbi müdaxilə ABŞ üçün özünəqəsd və Əfqanıstanla İraqın ardından regionda üçüncü məğlubiyyət olacaq. Bununla yanaşı, məğlubiyyət əvvəlkilərdən daha ciddi olacaq", - deyə Vilayəti bildirib.

Onun sözlərinə görə, Suriya xalqı təqribən altı ildir ki, xüsusilə də, ABŞ başda olmaqla Qərb tərəfindən xarici müdaxiləyə müqavimət göstərir.

"O (Suriya xalqı) ABŞ hərbi müdaxilə edəcəyi təqdirdə də ayaqda dura biləcək. Amerikalılar bunu etməyəcəklər", - deyə İran siyasətçisi əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi